Kyrkja i Ål inviterer til eit breidt og variert gudstenestetilbod i april, med påska som eit høgdepunkt. Dei heilage tre dagane skjærtorsdag, langfredag og påskenatt har nye reviderte liturgiar som vi møter første gong i år.
Dei heilage tre dagane – Triduum er gudstenestene i den stille veke og påskenatt.
Gudstenesteliturgiane for dei tre heilage dagane vart reviderte og vedtekne på nytt av Kyrkjemøtet i 2022, og offisielt innført i 2024. Dei tre heilage dagane utgjer ein heilskap, og dermed har vi no laga eit felles hefte som syner at dei heng saman.
Du vil legge merke til at gudstenestene peiker mot kvarandre på fleire måtar.
Skjærtorsdag er særprega ved at dette er dagen nattverden vart innstifta av Jesus, men også den dagen han vart arrestert og ført til avhør. Denne dagen dekker vi av altaraet og sløkkjer lyset i kyrkja. Det er sterke inntrykk når vi går ut or kyrkja denne kvelden.
Langfredag er tekstane og krossen i sentrum. Krossen med sine spikarar og merker der Jesus blir hengt opp og døyr, før han blir teken ned igjen og gravlagt. Jesu lidingshistorie er lang, og vi les den i heilheit, delt opp med ein salme mellom lesingane.
Påskenatt: er den eldste kjente gudstenesta vi har i kyrkja. Jesu Kristi oppstode vert feira som ein ny skaping av Gud Fader. Vi minnest den fyrste skapinga, Guds nyskaping i vår eigen dåp og Gud som ved sin skapande Ande reiser Kristus opp frå dei døde og syner oss at kjærleiken vinn over døden. Påskelovsongen, som innleier gudstenesta, har røter langt attende i kyrkja si lange historie og blir denne natta brukt i kyrkjer over heile verda, både i katolske, ortodokse og protestantiske samanhengar.
Ein kan gjerne delta på alle, éin eller fleire av gudstenestene i påska.
Skjærtorsdag:
Kl. 11.00: Vats fjellkyrkje
Kl. 11.00: Torpo kyrkje
Kl. 14.00: Sangefjell naturkatedral
Kl. 19.00: Ål kyrkje
Langfredag:
Kl. 11.00: Ål kyrkje. Pasjonsgudsteneste
Kl. 19.00: Leveld kyrkje. Pasjonsgudsteneste
Påskenatt:
Kl.22.00: Ål kyrkje. Påskenattsmesse
Påskedag:
Kl. 11.00: Leveld kyrkje. Høgtidsgudsteneste
Kl. 11.00: Ål kyrkje. Høgtidsgudsteneste
Kl. 13.30: Nystølhovda på Opheimsåsen
2. Påskedag:
Kl.11.00: Kårstugu, Ål helsetun. Påskegudsteneste
27. april – 2. sundag i påsketida
Kl. 11:00: Ål kyrkje. Gudsteneste